विराटनगर । सरकारले राष्ट्रिय आर्थिक गणना सञ्चालन गर्ने तयारी गरेको जनाएको छ।

आगामी बैसाख २ गतेदेखि असार ७ गतेसम्म सञ्चालन हुने यस गणनामा कुल ४४३३ जना गणक तथा सुपरिवेक्षक परिचालन गरिने छन्।

बिज्ञापन

देशभरका उद्योग, उत्पादन अवस्था, रोजगारीको स्थिति लगायत आर्थिक गतिविधिसम्बन्धी विभिन्न विषयमा विस्तृत तथ्याङ्क संकलन गरिनेछ।

सरकारले यस गणनालाई आर्थिक नीति निर्माण र योजना तर्जुमाका लागि महत्वपूर्ण आधारका रूपमा लिएको छ। विश्वसनीय र यथार्थपरक तथ्याङ्क प्राप्त भएमा विकासका कार्यक्रमहरू अझ प्रभावकारी रूपमा कार्यान्वयन गर्न सहयोग पुग्ने अपेक्षा गरिएको छ।

अर्थमन्त्री स्वर्णिम वाग्लेले सबै सरोकारवाला तथा सर्वसाधारणलाई सही र पूर्ण जानकारी उपलब्ध गराउन आग्रह गरेका छन्। उनले आर्थिक गणनालाई सफल बनाउन नागरिकको सक्रिय सहभागिता अपरिहार्य रहेको उल्लेख गर्दै सहयोगका लागि आह्वान गरेका छन्।

×

❮

❯