काठमाडौं । अब सेयर बजार सातामा ४ दिन मात्रै खुल्ने भएको छ । सरकारले आइतबार पनि सरकारी कार्यालयलाई विदा दिने निर्णय गरेसँगै बजार प्रभावित हुने भएको हो । यद्यपि शुक्रबार पनि बजार खोल्ने निर्णय गर्न सकिने नेप्सेका एक उच्च अधिकारीले बताए ।
‘सरकारले विदा दिएपछि आइतबार बजार बन्द नै हुन्छ, तर शुक्रबार बजार खोल्न सकिनेबारे सञ्चालक समितिमा छलफल हुनेछ’ ती अधिकारीले भने ‘विगतमा पनि शुक्रबार बजार खोलेर आइतबार बन्द गरिएको उदाहरण छ ।’
बिज्ञापन
यसअघि २०७९ जेठ १ देखि सरकारले शनिबार र आइतबार सरकारी संस्थालाई विदा घोषणा गरेपछि नेप्सेले शुक्रबार पनि बजार सञ्चालन गरेको थियो । त्यतिबेला शनिबार र आइतबार बजार बन्द गरी सातामा ५ दिन नै सञ्चालन भएको थियो । यद्यपि सरकारले केही सातामै निर्णय फिर्ता गरेपछि शुक्रबारको साटो आइतबार नै कारोबार हुने गरी निर्णय भएको थियो ।
हाल शुक्रबार र शनिबार बजार बन्द रहँदै आएको छ । सरकारको नयाँ निर्णयले तत्काललाई शुक्रबार, शनिबार र आइतबार बजार बन्द हुने भएको हो । शुक्रबार बजार खोल्नका लागि अब नेप्से सञ्चालक समितिले छुट्टै निर्णय गर्नुपर्नेछ ।
पेट्रोलियम पदार्थको आपूर्तिमा देखिएको असहजताका कारण शनिबारसँगै आइतबार पनि सरकारी संस्था विदा गर्ने निर्णय मन्त्रिपरिषद् बैठकले गरेको सरकारका प्रवक्ता सस्मित पोखरेलले बताए ।
सरकारले आइतबार पनि सरकारी कार्यालयलाई विदा दिने निर्णय गरेपछि अब सेयर बजार सातामा चार दिन मात्रै खुल्ने भएको छ। यस निर्णयका कारण आइतबार बजार स्वतः बन्द रहनेछ भने शुक्रबार बजार खोल्ने विषयमा भने अझै स्पष्ट निर्णय भइसकेको छैन।
नेपाल स्टक एक्सचेञ्ज (नेप्से) का एक उच्च अधिकारीका अनुसार, सरकारले विदा घोषणा गरेपछि आइतबार बजार सञ्चालन सम्भव हुँदैन। तर शुक्रबार बजार खोल्नेबारे सञ्चालक समितिमा छलफल हुने उनले बताए। यसअघि पनि शुक्रबार बजार सञ्चालन गरेर आइतबार बन्द गरिएको अभ्यास रहेको उनी बताउँछन्।
सरकारको नयाँ व्यवस्थाअनुसार अब शुक्रबार, शनिबार र आइतबार तीन दिन बजार बन्द हुने अवस्था आएको छ। त्यसैले शुक्रबार पनि बजार खोल्नका लागि नेप्से सञ्चालक समितिले छुट्टै निर्णय लिनुपर्नेछ।
यसअघि २०७९ जेठ १ गतेदेखि सरकारले शनिबार र आइतबार सार्वजनिक विदा दिएपछि नेप्सेले शुक्रबार बजार सञ्चालन गरेको थियो, जसले गर्दा बजार सातामा पाँच दिन नै खुल्ने व्यवस्था गरिएको थियो। तर केही सातामै सरकारले उक्त निर्णय फिर्ता लिएपछि पुनः आइतबार कारोबार सुरु गरिएको थियो।
हालसम्म शुक्रबार र शनिबार बजार बन्द रहँदै आएकोमा, नयाँ सरकारी निर्णयले थप प्रभाव पार्दै आइतबार पनि बन्द हुने भएको हो।
पेट्रोलियम पदार्थको आपूर्तिमा आएको असहजताका कारण मन्त्रिपरिषद्ले शनिबारसँगै आइतबार पनि विदा दिने निर्णय गरेको सरकारका प्रवक्ता सस्मित पोखरेलले जानकारी दिएका छन्।
आइतबार, चैत्र २२, २०८२
आइतबार, चैत्र २२, २०८२
