काठमाडौं । देशभर हाल पश्चिमी न्यून चापीय प्रणालीसँगै स्थानीय वायुको प्रभाव देखिएको छ। जल तथा मौसम विज्ञान विभागका अनुसार सोमबार (चैत ९) दिउँसो पहाडी तथा हिमाली क्षेत्रमा सामान्यतया बदली रहनेछ भने तराईमा आंशिक बदली रहनेछ।

सुदूरपश्चिम प्रदेशका पहाडी र हिमाली क्षेत्रका केही स्थानमा तथा अन्य पहाडी र हिमाली भू–भागका थोरै स्थानमा मेघगर्जन र चट्याङसहित हल्का वर्षा तथा हिमपातको सम्भावना रहेको छ।

विज्ञापन

रातिको समयमा पनि पहाडी र हिमाली क्षेत्रमा सामान्य बदली कायम रहनेछ भने तराई क्षेत्रमा आंशिक बदली रहनेछ। विभागका अनुसार कोसी, बागमती, गण्डकी र कर्णाली प्रदेशका केही पहाडी तथा हिमाली स्थानहरूमा र अन्य क्षेत्रका एक–दुई स्थानमा मेघगर्जनसहित हल्का वर्षा र हिमपात हुन सक्ने अनुमान गरिएको छ।

×

❮

❯