धरान । विवाह प्रयोजनका लागि भारतबाट खरिद गरिएका सामान भन्सारमा नरोकी सहजीकरण गरिदिन भन्दै धरान-१९ नम्बर वडा कार्यालयले दस्तुर लिएर सिफारिस पत्र दिने गरेको पाइएको छ ।

स्थानीय तहबाट जारी हुने यस्तो सिफारिसका आधारमा केही व्यक्तिहरू विवाहको नाममा भारतीय बजारबाट सामान ल्याउने प्रयास गर्दै आएका छन् । विशेषगरी प्रतिबन्धित भारतीय पेय पदार्थ भित्र्याउनसमेत यही सिफारिस प्रयोग हुने गरेको बताइएको छ ।

बिज्ञापन

तर सुरक्षाकर्मीहरूले भने यस्ता सिफारिस पत्रका आधारमा भन्सार प्रक्रिया नहुने स्पष्ट पारेका छन् । विभागीय निर्देशनअनुसार प्रतिबन्धित सामान ल्याउन कुनै पनि प्रकारको छुट नहुने र त्यस्ता सामग्रीसहित आउनेहरूलाई भारततर्फ नै फर्काइने गरिएको जनाइएको छ ।

सुरक्षा निकायले कानुनविपरीत सामान भित्र्याउने प्रयास नगर्न सर्वसाधारणलाई आग्रह गरेका छन् ।

×

❮

❯