त्यसैगरी लङजम्प छात्रतर्फ पूर्वाञ्चल एकाडेमीका मनिष चौधरीले स्वर्ण पदक, विराटनगरको मदरटेरेसा स्कुलका सुरज साहले रजत र एजेलिया स्कुलका रिकेस सरदारले कास्य पदक जितेका छन् ।
लङजम्प छात्रातर्फ विराटनगरको स्टार स्कुलकी प्रिति मुखियाले स्वर्ण पदक, पूर्वाञ्चल एकाडेमीकी सर्जना विकले रजत र मदरटेरेसा स्कुलकी पूजा यादवले कास्य पदक जितेकी छिन् । भलिबलमा दुई दर्जन विद्यालय विजयी
प्याब्सन स्पोट्र्स मिट अन्तर्गत भलिबल प्रतियोगिताको पहिलो दिन सिनियर र जुनियर गरी दुई दर्जन विद्यालय विजयी भएका छन् । कक्षा १० सम्म छात्रतर्फ ९ विद्यालय विजयी भएका छन् ।
जसमा मोर्डन एरा, युनिक एकाडेमी, दाम्राभिट्टा, शिक्षा सदन, सनरे, शारदा, मोरङ पब्लिक, रेडस्टार र नोबेल एकाडेमी स्कुल विजयी भएका छन् ।
त्यसैगरी छात्रातर्फको भलिबलमा ७ स्कुल विजयी भएका छन् । जसमा पथरीको एभरेष्ट, रेडस्टार, ब्राइटफियुचर, मोरङ पब्लिक, मार्टस र रमाइलो बालजगत स्कुल विजयी भएका छन् ।
कक्षा १२ तर्फ भएको छात्रतर्फको भलिबलमा ८ स्कुल विजयी भएका छन् । जसमा पथरीको एभरेष्ट, वाल्मीकि, उर्लाबारीको पशुपति, मोरङ मोडल, कान्तिपुर, केयू एकाडेमी र भृकुटी स्कुल विजयी भएका छन् ।
प्याब्सन स्पोट्र्स मिटको उद्घाटन प्याब्सनका राष्ट्रिय अध्यक्ष कृष्णप्रसाद अधिकारीले गरे । उद्घाटन समारोहलाई सम्बोधन गर्दै प्रमुख अतिथि अधिकारीले कक्षाकोठाको शिक्षाले मात्र विद्यार्थी पूर्ण नहुने भन्दै उनीहरूको अन्तरनिहित प्रतिभा उजागर गर्न स्पोट्र्स मिटले ठूलो भूमिका खेल्ने बताए ।
“विद्यार्थीको शारीरिक र मानसिक विकासका लागि खेलकुद अपरिहार्य छ, प्याब्सनले यसलाई अभियानकै रूपमा अघि बढाएको छ,” अधिकारीले भने । कार्यक्रममा प्याब्सनका केन्द्रीय प्रमुख सल्लाहकार डी.के. ढुङ्गाना, पूर्व केन्द्रीय अध्यक्ष तथा वरिष्ठ सल्लाहकार टीकाराम पुरीलगायत शैक्षिक व्यक्तित्वहरूको उपस्थिति रहेको थियो ।
प्याब्सन मोरङका अध्यक्ष जगतबहादुर बस्नेतका अनुसार मंसिर २१ गतेसम्म चल्ने यस प्रतियोगितामा जिल्लाभरका २३५ विद्यालयका तीन हजारभन्दा बढी विद्यार्थी खेलाडीहरूले सहभागिता जनाएका छन् । खेल तालिकाको चापलाई मध्यनजर गर्दै फुटबल र क्रिकेटका प्रतिस्पर्धाहरू भने उद्घाटन अगावै सुरु गरिएको छ ।
प्रतियोगिता अन्तर्गत फुटबल, क्रिकेट, भलिबल, बास्केटबल, टेबलटेनिस र एथलेटिक्स लगायतका विभिन्न विधाहरू समावेश गरिएका छन् । खेलहरू विराटनगरस्थित सहिद रङ्गशाला, जुटमिल खेल मैदान (रानी) र एभरेस्ट स्कुलको खेल मैदानमा सञ्चालन भइरहेका छन् । २०६३ सालदेखि निरन्तर आयोजना हुँदै आएको यो प्रतियोगिताले मोरङको शैक्षिक क्षेत्रमा खेलकुदको महत्त्व स्थापित गरेको छ ।
प्रतियोगिता सम्पन्न गर्न करिब २० लाख रुपैयाँ खर्च लाग्ने अनुमान गरिएको खेल संयोजक विष्णु डंगोलले जानकारी दिए । सो रकम सहभागी विद्यालयहरूको रजिस्ट्रेसन शुल्क र प्याब्सन मोरङको आन्तरिक स्रोतबाट व्यवस्थापन गरिनेछ ।
शुक्रबार, मंसिर १९, २०८२
शुक्रबार, मंसिर १९, २०८२
