ओटावा । क्यानडाका खानी मजदुरहरूले एउटा डाइनोसरको जीवाश्म अवशेष फेला पारेका छन्, जुन यति राम्रोसँग संरक्षण गरिएको छ कि त्यसलाई “ममी” भनेर वर्णन गरिएको छ ।

यो एकदम दुर्लभ र जीवनमा एकपटक मात्र भेटिने किसिमको खोज मानिन्छ ।

बिज्ञापन

धेरै जीवाश्महरूमा हड्डीहरू मात्र बाँकी रहने गर्छन्, तर यस नमुनामा फोसिल बनेको छाला, कवच (आर्मर) र भित्री अंगहरूजस्तै आन्द्रासम्म सुरक्षित छन् ।

यस विशेष अवस्थामा वैज्ञानिकहरूले करिब ११ करोड वर्षअघि पृथ्वीमा हिँड्ने जीवलाई नजिकबाट अध्ययन गर्ने अनौठो अवसर पाएका छन् ।

फ्युटुरा साइन्सेसका अनुसार, यो जीवाश्म अहिले क्यानडाको अल्बर्टास्थित रोयल टायर्रेल म्युजियममा प्रदर्शनीमा राखिएको छ ।

यो डाइनोसर नोडोसोर परिवारको हिस्सा हो, जसमा भारी, कवचयुक्त, बिरुवाखाने डाइनोसरहरू पर्दथे, जो क्रिटेसियस युगमा पृथ्वीमा बसोबास गर्थे ।

×

❮

❯