बुटवल । धनगढीबाट काठमाडौंका लागि उडेको श्री एयरलाइन्सको विमान प्राविधिक समस्या आएपछि भैरहवास्थित गौतमबुद्ध अन्तर्राष्ट्रिय विमानस्थलमा आकस्मिक अवतरण गरेको छ।

धनगढीबाट बिहान १० बजे उडेको फ्लाइट नम्बर २२२ ले हाइड्रोलिक प्रणालीमा समस्या देखिएपछि बीचमै आपतकालीन अवतरण गर्नुपरेको विमानस्थल कार्यालयले जनाएको छ।

बिज्ञापन

विमानको हाइड्रोलिक फेल भएका कारण धावनमार्गमा गुड्न नसक्दा करिब ४० मिनेटसम्म अन्य उडानहरू प्रभावित भएका थिए। विमान सुरक्षित अवतरण गरिएको र सबै यात्रु सुरक्षित रहेको गौतमबुद्ध विमानस्थलका सूचना अधिकारी विनोदसिंह राउतले जानकारी दिएका छन्।

×

❮

❯