विराटनगर । सोमबार भारतको पूर्वी क्षेत्रमा रेल सेवाको क्षेत्रमा ऐतिहासिक दिन बनेको छ। विराटनगर सिमावर्ती जोगबनीबाट ‘जोगबनी-दानापुर बन्दे भारत एक्सप्रेस’ ले सेवा शुरु गरेको छ ।

यो भारतको सबैभन्दा द्रूत रेल सेवा हो । यो संगै जोगबनीबाट दक्षिण भारत र अन्य क्षेत्रसम्म चल्ने चारवटा सेवा शुरु भएको छ । यसबाट नेपाली यात्रुहरुलाई समेत सुविधा हुने छ ।

बिज्ञापन

रेल सेवा विशेषगरी सीमावर्ती क्षेत्र र बिहारको राजधानी पटना (दानापुर) बीचको दूरी छोट्याउने लक्ष्यका साथ सुरु गरिएको बताइएको छ ।

आजको दिनलाई अझ ऐतिहासिक बनाउँदै भारतीय रेलमन्त्री अश्विनी वैष्णवले एकैपटक चारवटा नयाँ रेलसेवाहरूको उद्घाटन गरेका हुन् । जसमा पूर्वी भारतदेखि दक्षिण भारतसम्मका यात्रु लाभान्वित हुनेछन्।

आज उद्घाटन गरिएका ४ प्रमुख रेल सेवाहरूमा सहरसा–अमृतसर ‘अमृत भारत एक्सप्रेस’ रहेको छ। यो मिथिलाञ्चलदेखि पञ्जाबसम्मको लामो दूरीको यात्रालाई सहज बनाउने उद्देश्यले सुरु गरिएको मन्त्री वैष्णवले बताए । विशेषगरी प्रवासी मजदुर र तीर्थयात्रीहरूलाई लक्षित गरिएको जोगबनी-इरोड’अमृत इन्डिया एक्सप्रेस’ बिहारदेखि तमिलनाडुको इरोडसम्मको यात्रा गर्ने छ । यसबाट अब छिटो र आरामदायी ढंगले उत्तर-दक्षिण भारतबीचको सम्पर्क स्थापित हुने उनले उद्घाटनका अवसरमा जोगबनीमा बताए ।

जोगबनी–दानापुर ‘वन्दे भारत एक्सप्रेस’: अत्याधुनिक सुविधा, उच्च गति र आधुनिक प्रविधिबाट सजिएको छ । उद्घाटन समारोह फारबिसगञ्ज नजिकैको स्टेसनमा आयोजना गरिएको थियो।
कटिहार-सिलगढी हुँदै बीबीगंज रेल सेवा पनि शुरु भएको छ ।

यो रेलले उत्तर-बंगाल र सीमावर्ती क्षेत्रहरूलाई सुलभ यातायात सेवा प्रदान गर्नेछ। कटिहार, सिलगढी, र बीबीगंज जस्ता महत्त्वपूर्ण स्टेसनहरू अब एकै रुटमा जोडिएका छन् ।
रेल उद्घाटनको खबरसँगै विराटनगरबासीले समेत सहज ढंगले सेवा पाउने छन् ।‌

×

❮

❯