काठमाडौं। अब नेपालमा पनि चीनको लोकप्रिय डिजिटल वालेट अलीपे प्रयोग गर्न सकिने भएको छ। अलीपे ले फोन पे, नेपाल पे लगायतका नेपाली डिजिटल भुक्तानी सेवा प्रदायकहरूसँग सहकार्य गर्दै नेपालमा आफ्नो क्रस बोर्डर डिजिटल पेमेन्टसेवा सुरु गरेको हो।

अली पेचीनमा निकै लोकप्रिय मोबाइल वालेट हो, जसका सक्रिय प्रयोगकर्ताहरूको संख्या ८० करोडभन्दा बढी छ। अब अली पे सेवा अन्तर्गत अन्तर्राष्ट्रिय पर्यटकहरूले आफ्नै देशको मोबाइल वालेट प्रयोग गरेर नेपालका ८ लाख ७५ हजारभन्दा बढी पसलहरूमा स्थानीय क्युआर कोड स्क्यान गरी सजिलै भुक्तानी गर्न सक्नेछन्।

बिज्ञापन

यस नयाँ साझेदारीले नेपालमा नगद कारोबारको आवश्यकता घटाउँदै पर्यटन क्षेत्रको सहजता र आम्दानी दुवैमा वृद्धि गर्ने विश्वास लिइएको छ। साथै, डिजिटल कारोबारको प्रवर्द्धनमार्फत नेपाललाई प्रविधिमैत्री गन्तव्यको रूपमा स्थापित गर्न सहयोग पुग्ने अपेक्षा गरिएको छ।

स्थानीय व्यवसायीहरूका लागि पनि यो साझेदारी आयका नयाँ स्रोत सिर्जना गर्ने अवसर बन्नेछ। साथै, डिजिटल समावेशीकरणमा टेवा पुर्‍याउँदै समग्र आर्थिक प्रणालीलाई सुदृढ बनाउने दिशामा महत्वपूर्ण पाइला मानिएको छ।

×

❮

❯