काठमाडौँ | एसिसी प्रिमियर कपको तयारीमा रहेको नेपाली राष्ट्रिय क्रिकेट टोलीले पहिलो अभ्यास खेलमा कर्नाटक राज्यस्तरीय टोलीसामु १८९ रनको लक्ष्य प्रस्तुत गरेको छ।

टस जितेर पहिले ब्याटिङ गरेको नेपालले निर्धारित ४५ ओभरमा सबै विकेट गुमाउँदै १८८ रन बनाएको हो।

बिज्ञापन

नेपालका लागि ओपनर आसिफ शेखले ४९ रन बनाए। त्यस्तै, इशान पाण्डेले ३४, देव खनाल र सन्दीप जोराले समान २७/२७, बसिर अहमदले अविजित १९ तथा गुलशन झाले ११ रनको योगदान दिए।

कर्नाटकका क्रिती एमले उत्कृष्ट बलिङ गर्दै ८ ओभरमा एक मेडनसहित २० रन खर्चेर ५ विकेट लिए।

एसिसी प्रिमियर कपको तयारीका लागि नेपाल भारतमा अभ्यास गरिरहेको छ। प्रिमियर कप ३० अगस्टदेखि मलेसियामा आयोजना हुँदैछ।

समूह ‘ए’ मा रहेको नेपालले प्रतियोगिताको पहिलो खेलमा ३१ अगस्टमा बहराइनसँग प्रतिस्पर्धा गर्नेछ।

×

❮

❯