काठमाडौं। महान्यायाधिवक्ता सविता भण्डारी बरालले गोर्खा मिडिया प्रालिसँग सम्बन्धित सहकारी ठगी प्रकरणमा सबै आरोपितविरुद्ध दायर गरिएका दुई वटा अभियोगपत्र संशोधन गर्न स्वीकृति दिएकी छन्।

यसअघि गत बुधबार रवि लामिछानेको हकमा मात्रै निर्णय भएको थियो।

बिज्ञापन

अब त्यसको दायरा विस्तार गर्दै जीबी राई, छविराज जोशीलगायत अन्य आरोपितविरुद्ध दायर गरिएका दुई अभियोग समेत फिर्ता लिने निर्णय भएको महान्यायाधिवक्ता कार्यालयसम्बद्ध स्रोतले जनाएको छ।

रवि लामिछानेबाहेकका अन्य व्यक्तिहरूको हकमा भने शुक्रबार निर्णय गरिएको हो।

अभियोग संशोधनपछि अब उनीहरूले सहकारी ठगीसम्बन्धी मुद्दा मात्रै सामना गर्नुपर्नेछ। साथै, पीडितहरूको रकम फिर्ता गर्ने अवस्थामा मिलापत्रमार्फत मुद्दा टुंग्याउने बाटो पनि खुला गरिएको स्रोतले जनाएको छ।

×

❮

❯