विराटनगर । कोसी गाउँपालिकाको लौकहीमा गोली प्रहार गरी एक जनाको हत्या गरिएको छ।

घटना मध्यराति १ बजेको समयमा पुरी टोल, कोसी गाउँपालिका-१ मा घटित भएको हो। हत्याको शिकार ४५ वर्षीय बिजय शाह रहेका छन्।

घटनास्थल सशस्त्र प्रहरी बेस क्याम्प बीओपी लौकही नजिकै रहेको थियो। शाहको हत्या भएपछि, स्थानीयवासीहरूले विरोध प्रदर्शन सुरु गरेका छन्।

घटनाको निष्पक्ष छानबिन र दोषीमाथि कडाइका साथ कारवाही गर्नुको साथै पीडित परिवारलाई क्षतिपूर्ति दिनुपर्ने माग गर्दै स्थानीयहरुले प्रदर्शन गर्दै आएका छन्, स्थानीय सञ्चारकर्मी पवन रौनियारका अनुसार।

यसैबीच, जिल्ला प्रहरी कार्यालय सुनसरीका प्रहरी नायब उपरीक्षक (डीएसपी) चन्द्रबहादुर खड्काले घटनाबारे जानकारी दिँदै भने, “घटनास्थलबाट २ वटा गोलीको खोका फेला परेको छ। अहिले विस्तृत अनुसन्धान भइरहेको छ।”

पीडित पक्ष र प्रशासनबीच छलफल चलिरहेको खबर आएको छ।

×

❮

❯