काठमाण्डूअघि सुदूरपश्चिम रोयल्सले प्रतियोगिताको प्लेअफमा स्थान बनाएको थियो ।
काठमाण्डूले प्रस्तुत गरेको १६६ रनको लक्ष्य पछ्याउने क्रममा पोखराले निर्धारित २० ओभर ब्याटिङ गरे पनि सबै विकेट गुमाएर विकेट गुमाएर १५२ रन मात्र बनाउन सक्यो ।
पोखराका ऋषि धवनले सर्वाधिक ५४ रन बनाए । उनले ३१ बलमा तीन चौका र दुई छक्का प्रहार गरे । धनञ्जय लक्षणले २७ बलमा एक चौका र एक छक्कासहित ३० रन थपे ।
यी दुईले ५५–४ को नाजुक स्थितिबाट पाँचौँ विकेटका निम्ति ७६ रनको साझेदारी गर्दै पोखराको मध्यक्रम सम्हालेका थिए । तर, न्युन क्रमका ब्याटरले खेल ‘फिनिस’ गर्न नसक्दा पोखराले महत्त्वपूर्ण दुई अंक गुमायो ।
कप्तान कुशल भुर्तेलले २० बलमा दुई छक्कासहित २२ रन जोडे । जासन रोयले १६ रन बनाए । त्रितराज दासले ९ रन थप्दा किरण ठगुन्ना र एडम रोसिंटनले समान पाँच रन बनाए । पोखराका आकाश चन्द र विपिन खत्री ‘गोल्डेन डक’ बने ।
साहबको कीर्तिमान
पोखराविरुद्ध काठमाण्डूका साहब आलमले कीर्तिमानी बलिङ गर्दै ६ विकेट लिए । चार ओभर बलिङ गरेका साहबले २५ रन मात्र खर्चिए । साहब एनपीएल इतिहासमै ह्याट्रिक लिने पहिलो बलर बनेका छन् । उनले पोखराविरुद्ध अन्तिम ओभरमा लगातार तीन विकेट लिएका हुन् । उनले ओभरको पहिलो बलमा ऋषी धवनलाई, दोस्रो बलमा विपिन खत्री र तेस्रो बलमा आकाश चन्दलाई पभेलियनको दिशा देखाएका थिए । सोही ओभरको अन्तिम बलमा सागर ढकाललाई पनि आउट गरेपछि साहबले एकै ओभरमा चार विकेट लिएका थिए ।
साहबबाहेक, कप्तान करण केसी र सन्नी पटेलको नाममा समान दुई विकेट रह्यो ।
त्यसअघि टस हारेर ब्याटिङमा आएको काठमाण्डूले निर्धारित २० ओभरमा आठ विकेट गुमाएर १६५ रनको योगफल खडा गरेको थियो ।
काठमाण्डूका ओपनर बेनले सर्वाधिक ६४ रन बनाए । उनले ५५ बलमा पाँच चौका र दुई छक्का प्रहार गरे । ७९–५ को स्थितिबाट बेनले भीम सार्कीसँग छैटौँ विकेटका निम्ति ७६ रनको साझेदारी गर्दै काठमाण्डूको इनिङ सम्हालेका थिए ।
विस्फोटक ब्याटिङ गरेका भीमले २३ बलमा पाँच चौका र चार छक्कासहित ५५ रन थपे । १९ बलमा अर्धशतक पूरा गरेका भीम दोस्रो संस्करणमा सबैभन्दा छिटो ५० रन बनाउने ब्याटरसमेत बने । उनीअघि सुदूरपश्चिमका हर्मित सिंहले २० बलमा अर्धशतक बनाउँदै यो कीर्तिमान बनाएका थिए ।
मिलिन्द कुमारले १३ रन थपे । काठमाण्डूका अरु ब्याटर दोहोरो अंकसम्म पुग्न सकेनन् । ओपनर आकाश त्रिपाठी गोल्डेन डक भए ।
पोखराका धनञ्जय लक्षण चार विकेट लिए । चार ओभर बलिङ गरेका लक्षणले एक मेडनसहित १६ रनमात्र खर्चिए । कप्तान कुशल भुर्तेलले दुई विकेट लिए । चार ओभरको स्पेलमा कप्तान भुतेलले २५ रन खर्चिए । किरण ठगुन्ना र विपिन खत्रीले समान एक विकेट लिए ।
जितसँगै काठमाण्डूले सात खेलमा १० अंकसहित प्लेअफ यात्रा तय गरेको छ । काठमाण्डूले यसअघि पहिलो खेलमा जनकपुर बोल्ट्सलाई ५ विकेटले पराजित गर्दै प्रतियोगिता सुरुवात गरेको थियो । दोस्रो खेलमा सुदूरपश्चिम रोयल्ससँग २९ रन र तेस्रो खेलमा विराटनगर किंग्ससँग ५ विकेटले हार व्यहोरेको थियो ।
चौथो खेलमा लुम्बिनी लायन्सलाई २२ रनले, पाँचौँ खेलमा चितवन राइनोजलाई ५३ रनले र छैटौं खेलमा कर्णाली याक्सलाई ५ विकेटले पराजित गरेको थियो ।
यो हारसँगै पोखराको सम्भावना भने कमजोर बनेको छ । पोखराले यसअघि पहिलो खेलमा विराटनगर किंग्ससँग ५३ रनको हार व्यहोरेको थियो ।
दोस्रो खेलमा सुदूरपश्चिम रोयल्ससँग १८ रनले पराजित भएको पोखराले तेस्रो खेलमा जनकपुर बोल्ट्सलाई २५ रनले पराजित गरेको थियो । चौथो खेलमा पोखरा लुम्बिनी लायन्ससँग ३ विकेटको हार बेहोरेको हो । पाँचौं खेलमा पोखराले कर्णाली याक्सलाई ३४ रनले पराजित गरेको हो ।
बिहिबार, मंसिर १८, २०८२
बुधबार, मंसिर १७, २०८२
