विराटनगर। विराटनगर महानगरपालिका–८ मधुमारास्थित गोविन्द राजवंशीको घरमा सञ्चालित तासको खालमा बिहीबार साँझ प्रहरीले छापा मारेको छ।

जिल्ला प्रहरी कार्यालय मोरङका इन्स्पेक्टर सरोज खनालको नेतृत्वमा गएको प्रहरी टोलीले साँझ ६:३० बजेतिर छापा मारेर तास खेलिरहेका ८ जनालाई पक्राउ गरेको हो।

बिज्ञापन

पक्राउ पर्नेहरूमा भक्तपुर नगरपालिका-१२ का ३७ वर्षीय अनिलबाबु कुँवर, विराटनगर-८ का ६० वर्षीय पदम भट्टराई, सोलुखुम्बुको थुलुङ दुधकोशी गाउँपालिका-१ का ४२ वर्षीय छत्रबहादुर बस्नेत, भोजपुरको साल्पासिलिछो गाउँपालिका-१ का ४३ वर्षीय शंकर थापा, विराटनगर-८ निवासी ५० वर्षीय गोपाल मण्डल, ६० वर्षीय शंकरप्रसाद ओझा, ४२ वर्षीय कपिल खड्का, र मोरङको कटहरी गाउँपालिका-१ का ४० वर्षीय सन्तोषकुमार भट्टराई रहेका छन्।

मोरङ प्रहरी प्रमुखका अनुसार घटनास्थलबाट ९७ हजार १ सय ६५ रुपैयाँ नगद र पाँच बुङ तास बरामद गरिएको छ।

पक्राउ परेका सबैलाई जिल्ला प्रहरी कार्यालय मोरङमा राखेर थप अनुसन्धान भइरहेको प्रहरीले जनाएको छ।

×

❮

❯