विराटनगर । अन्तरिम सरकारको प्रधानमन्त्रीमा जेनजीका तर्फबाट पूर्व प्रधानन्यायाधीश सुशीला कार्कीको नाम प्रस्ताव भएको छ ।

तर, अर्को समूहले बालेन हुनुपर्छ भन्दै असहमति जनाएको छ । उनीहरूले सेनाको जंगी अड्डा बाहिर नारावाजी गर्दै बालेन हुनुपर्छ भन्दै नारा लगाएका छन् ।

बिज्ञापन

सेनाले माइकिङ गरेर जेनजी संयोजक तोकेर पुनः वार्तामा आउन भनेको छ ।

काठमाडौं पुगेका धरानका मेयर हर्क साम्पाङले भने प्रधानसेनापतिले आफूसँगको भेटमा कार्कीको नाम प्रस्ताव भएको बताएको साम्पाङले संचारकर्मीहरुलाई बताएका छन् ।

बुधबार दिनभर जनेजी युवाले सामाजिक सञ्जाल डिस्कर्डमा समेत कसलाई नेतृत्वमा ल्याउने भन्ने विषयमा छलफल गरेका थिए । त्यसक्रममा समेत कार्कीको पक्षमा बलियो मत प्रस्तुत भएको छ ।

उता बालेनले भने कार्कीलाई समर्थन गरेका छन् । साम्पाङले भने कार्की नै हुनुपर्छ भनेर आफूले समर्थन नगरेको फेसबुक स्टाटसमा लेखेका छन् ।

उनले आफू नेतृत्व लिन तयार रहेको समेत बताएका छन् ।

×

❮

❯