विराटनगर । राष्ट्रिय क्रिकेटर ललित राजवंशीकी आमा ६३ वर्षीय शुभो राजवंशीको आइतबार निधन भएको छ।

जेठा छोरा रामकिशोर राजवंशीका अनुसार, उनी लामो समयदेखि मुटु रोगबाट पीडित थिइन्। आइतबार बिहान विराटनगर महानगरपालिका–१४ स्थित आफ्नै निवासमा उनको निधन भएको हो।

आमाको निधनपछि घरमा परिवारका सदस्य, आफन्त र छिमेकीहरू भेला भएका छन्। मृतकको आजै अन्तिम संस्कार गर्ने तयारी भइरहेको परिवारले जनाएको छ।

शुभो राजवंशीका तीन छोरा र एक छोरी छन्, जसमा ललित कान्छा छोरा हुन्। आमाप्रति भावुक हुँदै ललितले सामाजिक सञ्जालमार्फत श्रद्धाञ्जली अर्पण गरेका छन्।

×

❮

❯