विराटनगर । कलेज तथा प्लसटुका विधार्थीले चिया तथा कफी बारमा हुक्का चुरोट पिउने गरेको भए अब प्रहरी कारबाहीमा पर्ने भएका छन् ।

जिल्ला प्रहरी कार्यालय मोरङका अनुसार प्रहरीले यस्ता गतिविधिमा निगरानी बढाउन शुरु गरेको छ ।

विज्ञापन

मोरङका एसपी कवित कटवालले धेरै स्थानमा अभिभावकहरू संग लागूऔषध नियन्त्रण विरुद्धको सचेतना कार्यक्रम सञ्चालन गर्दा गुनासो आउने गरेको बताएका छन् ।

विराटनगरको स्थानीय मिडियामा भिडियो अन्तर्वार्ता दिँदै उनले लागुऔषधको प्रयोग युवापुस्तामा अधिक देखिएको र अभिभावक चिन्तित रहेको पाइएको बताएका छन् ।

विधार्थीहरु चियबारहरुमा गइ हुक्का-चुरोट पिउने गरेको कुरालाई समेत निगरानी गरेर नियन्त्रण गर्ने उनले बताएका छन् । चुरोटको लतबाटै कतिपय युवा तथा विद्यार्थी लागुऔषधको प्रयोग गर्ने चरणमा पुग्ने गरेको अध्ययनले देखाएको छ ‌।
यसलाई नियन्त्रण गर्न मोरङमा प्रहरी सक्रियता बढाइएको छ ‌।
विभिन्न विधालय र कलेजमा जिल्ला प्रहरी कार्यालयले सचेतना अभियान समेत सञ्चालन गर्ने गरेको छ ।

×

❮

❯