काठमाडौं । प्रतिनिधिसभा सभामुख चयनका लागि शुक्रबार (चैत २०) उमेदवारी दर्ता गरिने भएको छ । संघीय संसद् सचिवालयले सार्वजनिक गरेको कार्यतालिका अनुसार सभामुखको निर्वाचन आइतबार (चैत २२) हुने तय गरिएको छ ।

निर्धारित तालिका अनुसार शुक्रबार बिहान ११ बजेदेखि दिउँसो २ बजेसम्म उम्मेदवारहरूले आफ्नो मनोनयन दर्ता गर्न सक्नेछन् । उमेदवारी दर्ता संघीय संसद् सचिवालय, सिंहदरबारमा हुने जनाइएको छ । दर्ता भएका उम्मेदवारहरूको नामावली भने दिउँसो २:३० बजे प्रकाशन गरिनेछ ।

बिज्ञापन

१८२ सिट रहेको प्रतिनिधिसभामा राष्ट्रिय स्वतन्त्र पार्टी (रास्वपा)ले आफ्नो उपसभापति डोलप्रसाद अर्याललाई सभामुखको उम्मेदवार बनाउने निर्णय गरिसकेको छ । अन्य दलहरूले भने अझैसम्म आफ्नो उम्मेदवारबारे स्पष्ट धारणा सार्वजनिक गरेका छैनन् ।

×

❮

❯