नेपाल-बेलायत वाणिज्य तथा उद्योग संघको अध्यक्षमा डा. रोशन राठी चयन
बिहिबार, मंसिर ११, २०८२ |
बिहान १०:०१ बजे
काठमाडौँ । नेपाल–बेलायत वाणिज्य तथा उद्योग संघ (एनबीसीसीआई)ले काठमाडौँमा आफ्नो विशेष साधारणसभा सम्पन्न गर्दै आगामी तीन वर्षका लागि नयाँ कार्यसमिति घोषणा गरेको छ। संघका अनुसार कार्यक्रममा नेपालका निजी क्षेत्र, बैंकिङ, विकास तथा व्यापार क्षेत्रका प्रतिनिधिहरूको उपस्थिति रहेको थियो।
बैठकको अध्यक्षता निर्वतमान अध्यक्ष राजेन्द्र के. खेतानले गरेका थिए। उनले बेलायतको व्यवसाय तथा व्यापार विभागले नेपालमा पुनः सक्रिय भूमिका खेल्न थालेसँगै दुई देशबीच व्यापार तथा लगानीका अवसर थप विस्तार भएको बताए। उनले द्विपक्षीय आर्थिक सहकार्यलाई अझ प्रभावकारी बनाउन एनबीसीसीआईको भूमिका महत्त्वपूर्ण हुँदै गएको उल्लेख गरे।
बिज्ञापन
कार्यक्रमको एक महत्वपूर्ण हिस्सामा खेतानलाई उनको नेतृत्व, योगदान र संघलाई उचाइमा पुर्याउने भूमिकाको कदर गर्दै ‘अध्यक्ष एमेरिटस’ उपाधि प्रदान गरिएको थियो। महासभाले उनको समर्पित सेवाप्रति कृतज्ञता प्रकट गरेको संघले जारी गरेको विज्ञप्तिमा उल्लेख छ।
सर्वसम्मत रूपमा पारित नयाँ कार्यसमिति
अध्यक्ष: डा. रोशन राठी (LCCI Global Qualifications Pvt. Ltd)
उपाध्यक्ष: पियुष राज अर्याल (लक्ष्मी सनराइज बैंक लिमिटेड)
बिहिबार, मंसिर ११, २०८२
बिहिबार, मंसिर ११, २०८२
