काठमाडौं । आत्महत्या दुरुत्साहनको आरोपमा पक्राउ परेका चर्चित गायक तथा संगीतकार बाबुल गिरी धरौटीमा रिहा भएका छन्। काठमाडौं जिल्ला अदालतले तीन लाख रुपैयाँ धरौटीमा रिहा गर्ने आदेश दिएपछि उनलाई बुधबार हिरासतबाट छोडिएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।

गायिका नितु पौडेल मृत अवस्थामा भेटिएको घटनापछि प्रहरीले गिरीमाथि अनुसन्धान थालेको थियो। नितुले अनामनगरस्थित गिरीकै स्टुडियोमा आत्मदाहको प्रयास गरेको भन्ने प्रारम्भिक तथ्य आएको थियो।

उता, पौडेल परिवारले नितु र बाबुल प्रेम सम्बन्धमा रहेको र बाबुलले विवाह गर्न अस्वीकार गरेपछि नितुले आत्महत्या गरेको दाबी गरेको छ।

×

❮

❯