विराटनगर । पहाडी जिल्लामा समेत पानी नपर्द किसानले बाली लगाउन नसकेको बताउँदै वैकल्पिक व्यवस्था गर्न कोसी प्रदेश सभाका सदस्यहरुले सरकारको ध्यानाकर्षण गराएका छन् ।

तमोर नदीले छाएको गाउँहरुमा समेत रोपाई नहुँदा धान र मकैबालीमा समेत असर गरेको एमालेका प्रदेश सभा सदस्य किशोरचन्द्र दुलालले बताए । किसानको अवस्था निरीह भएको भन्दै उनले प्रदेश सभा सदस्यले तेह्रथुमलाई सुख्खाक्षेत्र घोषणा गरी राहत वितरण गर्न माग गरे ।

बिज्ञापन

एमाले सांसद मीना श्रेष्ठले बेरोजगारीका कारण विदेश पलायन हुने क्रम बढेको भन्दै सडक पेटीमा गरिने स्ट्रिट फुडमा सहभागी गराउन सकिने बताएकी छिन् ।

सुनसरीको इटहरी क्षेत्रमा स्ट्रिट फुड जस्ता व्यवसायमा युवा संलग्न रहेको भन्दै रात्रिकालीन बसबाट गन्तब्यमा पुग्ने यात्रुलाई उनीहरुले सहज बनाएको बताइन । प्रदेश सरकारले इटहरी, धरान, विराटनगर, दमक लगायत क्षेत्रमा स्ट्रिट फुड जोनको व्यवस्था गर्न सरकारको ध्यानाकर्षण गरिन ।

×

❮

❯