सुनसरी | सुनसरीको इनरुवाबाट प्रहरीले दुई हजार पाँच सय ६६ किलो गाँजासहित दुई जनालाई पक्राउ गरेको छ।

इनरुवा नगरपालिका ३ स्थित सखुवागाछी चोकमा गएराति पूर्वबाट पश्चिमतर्फ जाँदै गरेको ना.७ ख १८२५ नम्बरको ट्रक रोकेर जाँच गर्ने क्रममा ८३ वटा बोरामा प्याक गरिएको गाँजा बरामद गरिएको जिल्ला प्रहरी कार्यालय सुनसरीका प्रमुख पुष्पराज मल्लले जानकारी दिनुभयो।

विज्ञापन

प्रहरीका अनुसार बन्दागोभी बोकेको ट्रकमा लुकाएर गाँजा लैजाँदै गरेको अवस्थामा सहिदभूमि गाउँपालिका २ का ३३ वर्षीय चालक राजु राई र १८ वर्षीय सहचालक सन्दीप राई पक्राउ परेका हुन्।

पक्राउ परेका दुवै जनालाई जिल्ला प्रहरी कार्यालय सुनसरीमा राखेर घटनाबारे थप अनुसन्धान भइरहेको प्रहरीले जनाएको छ।

×

❮

❯