विराटनगर । कोसी प्रदेश सरकारले सवारी चालक अनुमति पत्र लिइने परीक्षण प्रणालीमा केही संशोधन गरेको छ ।

मन्त्रिपरिषद्को सोमबार बसेको बैठकले परीक्षा थप नागरिक मैत्री र व्यवहारिक बनाउने निर्णय गरेको हो । सरकारको आन्तरिक मामिला तथा कानुन मन्त्री रेवतिरमण भण्डारीले अब तीन पाङ्ग्रे सिटी रिक्सा चलाउने चालकलाई चालक समेत लाइसेन्स दिन परीक्षा संचालन निर्देशिका स्विकृति गरेको जानकारी दिएका छन् ।

बिज्ञापन

परीक्षा संचालन सम्बन्धमा परीक्षा संचालन निर्देशिका २०८२ स्विकृत गरेको उनले बताए । भने,“धेरै चालकहरु लाइसेन्स लिन प्रतीक्षरत हुनुहुन्छ ।” संशोधन गरिएको विषय राजपत्रमा प्रकासित भएपछि सर्वसाधरणमा जानकारी हुने मन्त्री भण्डारीको भनाइ छ ।

सरकारले भौतिक पूर्वाधार विकास मन्त्रालयबाट मन्त्रालयहरुको संगठन तथा व्यवस्थाप प्रतिवेदन प्रदेश सरकारको राजनीतिक तथा प्रशासनिक समितिमा अध्ययनको लागि पठाउने समेत निर्णय गरेको छ । आठौ तहका कर्मचारीको बढुवा सम्बन्धमा उच्च अदालत विराटनगरको फैसलाले माग गरेको जवाफ प्रदेश लोकसेवा मार्फत पठाउने, ताप्लेजुङको धुङ्सा खोलामा जनताको लगानी शीर्षकमा ५ प्रतिशत लगानी गर्ने, धनकुटा जिल्ला अस्पताल मनमोहन प्राविधिक विश्व विद्यालयमा हस्तान्तरण गर्न नीतिगत निर्णय गरको छ ।

यसैगरी प्रदेश जनस्वास्थ्य सम्बन्धी नीतिमा सम्बन्धित विषयगत समितिमा पठाउने र खोटाङ जिल्ला अस्पतालाई पचास शैया बनाउने निर्णय गरेको छ ।

×

❮

❯