विराटनगर। आईसीसी टी–२० पुरुष विश्वकप क्रिकेटको आफ्नो दोस्रो खेलमा नेपालले आज बिहीबार इटालीसँग प्रतिस्पर्धा गर्दैछ। पहिलो खेलमा साविक विजेता इंग्ल्यान्डसँग केवल ४ रनको झिनो अन्तरले पराजित भएको नेपालले आजको खेलमा स्पष्ट जित निकाल्ने लक्ष्य लिएको छ ।
भारतको मुम्बईस्थित प्रसिद्ध वानखेडे स्टेडियममा हुने यो खेल नेपाली समयअनुसार दिउँसो ३ः१५ बजे सुरु हुनेछ। यो खेलको विराटनगरमा सार्वजनिक स्थलमा लाइभ प्रसारण गरिने भएको छ । यसको संयोजन जेनजी मोरङले गरेको हो ।
विराटनगर महानगरपालिकाको सहयोगमा पुरानो गुद्री बजारको अरुण चिया पसल छेउमा स्क्रिनमा हेर्ने व्यवस्था मिलाइएको हो ।

×

❮

❯